लखनौ : रॉयल चॅलेंजर्स बंगळुरूने लखनौविरुद्ध  ६ फलंदाज राखून दणदणीत विजय मिळविला. त्यामुळे पंतचे नाबाद शतक वाया गेले. आणि लखनौच्या विजयाचा घास बंगळुरुने हिरावला. आणि उपांत्य फेरीमध्ये आपले स्थान पक्क केले.बंगळुरुने जितेश शर्माच्या वादळी खेळीच्या जोरावर लखनौचा ६ बळीने पराभव केला. याशिवाय बंगळुरुने इतिहासात पहिल्यांदाच सर्वात मोठे लक्ष्य यशस्वीपणे पार केले. आणि १४ सामन्यांनंतर गुणतालिकेत दुसरे स्थान मिळवले. बंगळुरुचा संघ प्लेऑफमध्ये पंजाब किंग्सविरूद्ध पहिला अंतिम टप्प्यातील उपांत्य फेरीचा सामना खेळणार आहे.पहिल्या उपांत्य फेरीच्या सामन्यासह अंतिम सामना खेळण्यासाठी संघांकडे दोन संधी असतील. बंगळुरुनेे यासह इतर संघांच्या घरच्या मैदानावरील सर्वाधिक सामने जिंकले आहेत. प्रथम फलंदाजी करताना लखनौ सुपर जायंट्सने २२७ धावांची मोठी धावसंख्या केली आहे. ऋषभ पंतने धावांचा दुष्काळ संपवत शतकी खेळी केली. त्याने ६१ चेंडूत नाबाद ११८ धावा केल्या. त्याच वेळी, मिचेल मार्शने ६७ धावांचे योगदान दिले. ज्यामुळे लखनौ सुपर जायंट्सच्या संघाने २० षटकांत ३ गडी गमावून २२७ धावा केल्या.

 

संक्षिप्त धावफलक 

 

बंगळुरु: विराट कोहली ५४, फिल सॉल्ट ३०, जितेश शर्मा ८५, मयांक अगरवाल ४१, रजत पाटीदार १४,एकूण : १८.४ षटकांत २३०/४

लखनौ : पंत नाबाद ११८, मिचेल मार्श ६७, पुरन १३, ब्रिट्झ १४, अब्दुल समाद १ एकूण २० षटकांत २२७/३